ტაივანში მიწისძვრის შედეგად დაღუპულთა რიცხვი 12-მდე გაიზარდა. ამის შესახებ “ბიბისი” იტყობინება. 6,4 მაგნიტუდის სიმძლავრის მიწისძვრა ტაივანის სამხრეთ რეგიონში მოხდა . ყველაზე მეტად დაზარალდა ქალაქი ტაინანი. მიწისქვეშა ბიძგების შედეგად დაინგრა მაღალსართულიანი შენობები. დაშავდა 500-ზე მეტი ადამიანი. 30 ადამიანი კი დაკარგულია. მათ შენობების ნანგრევებში ეძებენ.
სამძებრო სამუშაოებში 800 სამხედროა ჩართული. ქვეყნის პრეზიდენტი პირობას დებს, რომ დაკარგულების გადასარჩენად სამაშველო ჯგუფები ყველაფერს გააკეთებენ. პარალელურად, უსახლკაროდ დარჩენილი ადამიანებისთვის მოეწყობა დროებითი თავშესაფრები.
ტაივანში ძლიერი მიწისძვრა 1999 წელსაც მოხდა, მაშინ 7,6 მაგნიტუდის სიმძლავრის მიწისძვრას 2 300 ადამიანი შეეწირა.
The post ტაივანში დამანგრეველი მიწისძვრა მოხდა + ფოტო appeared first on InfoLab.